مدرسة تلا الثانوية بنات

مدرسة تلا الثانوية بنات
 
الرئيسيةالتسجيلدخول

شاطر | 
 

 عشان انت مصري لفؤاد نجم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Mr Ahmad Al Saidy



عدد المساهمات : 50
تاريخ التسجيل : 28/05/2009

مُساهمةموضوع: عشان انت مصري لفؤاد نجم    الإثنين يناير 24, 2011 2:53 pm

عشان انت مصرى
شعر أحمد فؤاد نجم
.
.
عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى


عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك






ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله



واوتوبيس فرامله عايزالها وصله
وتوك توك ده تايه ومحتاج لبوصله


بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامل لك قلق
بيشكى تقول له روح اندعق



ومخك خلاص من الصداع اتفلق






هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهماهاتيت






عشان انت مصرى وده للاسف
فلازم تاسى تعيش تتقرف

وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف



مش انت اللي مصري؟؟؟
جتك القرف
الرجوع الى أعلى الصفحة اذهب الى الأسفل
أ/أحمد ربيع الأبيض
Admin


عدد المساهمات : 550
تاريخ التسجيل : 19/07/2009
العمر : 57

مُساهمةموضوع: رد: عشان انت مصري لفؤاد نجم    الخميس فبراير 17, 2011 12:00 am

نعم انا مصرى
ومن اليوم وصاعدا أفتخر بأننى مصري
والحمد لله
الرجوع الى أعلى الصفحة اذهب الى الأسفل
 
عشان انت مصري لفؤاد نجم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مدرسة تلا الثانوية بنات :: المنتدى العام :: منتدى الكلام العام-
انتقل الى: